[Poisque Wattpad.com me ha blocate este texto (sen que io save por que?), io vois lo presenta in mi blog. Gratias pro vostre comentarios...]
Jornalistos e medicos televisual francese tenta convincer nois que nos vive un epidemia de un toto nove «corona-virus», create recento in China pois propagate in le mundo entere. Cifras e images TV espaventose converge a este objectivo, benque le realitat local in mi citat e districto prova necun seriose malatiia : men que mil mortos in un population de un milion tres-cento mil (departamentos Gard e Vaucluse juncte) e depost duoce mes, es dicer multo men que por crises cardiac o canceres...
Ma, si le television lo dice, esso certo es veritat, como diceva mi aviola; assi un vaghe sensation de horror se insinua plus e plus in nostre vitas, qui serea ben tranquil sen este informa leitmotiv nois martelante sen pausa. Nos cree viver in medio de un periclo plus grave que un epidemia : un pandemia, vocabulo improprie (poisque le contagio non es mundial, quasi absente in Africa e Oceania), ma electe sen dubta por su proximitat al «pandemonio», le territorio in-que reside tote le demonios del inferno (incluso su chef : le diablo ello-mesme). Le efecto del propaganda pandemic o pandemoniac es que nos ha consentite sen gruniar obedir al orden de confinar nois in nostre casas respective, durante octo semana, suprimendo quasi tote nostre vita social... in un sector geografic desperatment private de infection viral ! In plus, le conseio de restar assaz distante del oltre humanos pro non recever de ellos saliva contagiose non es nominate per nostre governantes francese "distantiation fisic", como es in realitat, ma "distantiation social", esso qui significa distantiar nois del classes social superior o inferior : in resume, romper le cohesion social e le ideal republican de fraternitat... Bel lection de morale que nois dona le version francese del lucta contra este virus !
Assi incarcerate, nos meditava, evidento, del motivos de nostre incarceration. E le jornalistos, pro auxiliar nostre reflection, nois ha focalisate surel citat Wuhan in China, in-que (ellos narrava) qualcun "gastronomos" chinese harea create involuntarment le nove corona-virus per degustar carne de kiropteros pois de pangolinos, savores subtil e rar de bestias rar e protegite qui, per un specie de vengantia immanente del natura, ha unite su virusses pro generar un nove infection, apte a contaminar le humanos e a faer los morir (al men le plus debilitatos). Un tal combination natural inter genomas de species viral tan diferente e sen relationes in le natura, esso paresce un processo biologic improbabile... e se revelat realment improbabile plus tardo, quando le mesme jornalistos ha anunciate que, de facto, este virus inedit aparescet non in le mercato de carnes exotic e prohibite, ma potester in provenientia del laboratorio virologic P4 de Wuhan, le unic in China autorisate a "estudiar" le plus periclose micro-organismos. Nos admete que necun intention assassin ha provocate le difusion del famose virus, poisque le governo chinese afirma constanto non preparar alcun guerra bacteriologic. Ma subsiste le hipotese assaz creibile de un imprudentia monstruose de qualcun impleato de este laboratorio, qui ha donate al mundo le «Covid-19» e su terribile consequentias. Quanto al corona del victoria in este non-guerra del corona-virus, se pote atribuer sen contesta a China, qui ha obtenite (sen deserar lo) un longhe paralisia economic del mundo occidental : que? reclamar in plus pro augmentar su rickessa ?
Alora, si un membro de vostre familia morira de este causa, vos save de qual Estato importa exiger indemnisation financiari pro vos por este morte... ma esso es a faer sen retardo, in expectativa del Covid-24 o -25, qui resultara del union de virusses del panda gigante e del leon indian, e qui nois trucidara totes. Coronavirus : suivez la propagation de la pandémie en France et dans le monde
Alexandre Rousset
Commentaires
Publier un commentaire
Gratias pro vostre comentario (in qualcunque lingua de nostre familia).